ഹൃദയത്തിന്റെ
വടം പൊട്ടിയപ്പോള്
കണ്ണടച്ചു കിടന്നു
എന്നിട്ടും
കടന്നലുകള്‍ കൂട്ടനൃത്തം തുടര്‍ന്നു
ഏതോ
ഉള്‍വഴിയിലേക്കാണ്‌
ചിന്ത വടം പൊട്ടിച്ച്‌ കടന്നത്‌
കാരമുള്ളുകള്‍ ആകാശത്തിലേക്ക്‌
പടര്‍ന്ന കാട്ടില്‍
പ്രകാശ വേഗത്തിലൊഴുകിയപ്പോള്
പിറകില്‍ പെയ്‌തതെല്ലാം
ചോരമഴ
ചിന്തയുടെ പിറകെ ആയിരം
രക്തനദികള്‍ പടിഞ്ഞാട്ട്‌
കൂട്ടമായൊഴുകി
പല്ല്‌ നാക്കും
കൂട്ടിക്കടിച്ചു
നെഞ്ചില്‍
ചെണ്ടക്കോല്‍ വീണു പിടഞ്ഞു
കൊടും കാട്ടില്‍
ഒഴുകി പരന്ന ചോരയില്‍
നിശാസുന്ദരികള്‍ നൃത്തം ചയ്യുന്നുണ്ട്‌
അവരുടെ പാട്ടുകളുടെ
താളത്തില്‍
കടന്നലുകളും ചൂളമിടുന്നുണ്ട്‌
ഇനിയും ചവച്ചുപിടിക്കാന്‍
എനിക്ക്‌ കഴിയുന്നില്ലല്ലോ.
...................................
1 comment:
ജീവിതത്തിനു പുറത്തേക്ക്‌
ഒരു വഴി പറഞ്ഞു തരുമോ?
അതു വേറെ പലരും കവിതയുടെ രൂപത്തില്‍ ബ്ലോഗില്‍ എഴുതിയിട്ടുണ്ട്.
Post a Comment