പൊറുക്കുക നന്ദിഗ്രാം,

ഓ നന്ദിഗ്രം,
അവരോട്‌ പൊറുക്കുക
അവര്‍ക്ക്‌ പിഴച്ചതാണ്‌
ചെങ്കൊടി പിടിച്ച ആ കൈകള്‍
നമ്മുടേതായിരുന്നില്ല

കര്‍ഷകരെ അവര്‍ കൊല്ലുമോ?

കൃഷി ഭൂമിയില്‍ അവര്
‍മൈനുകള്‍ പാകുമോ?

തൂമ്പ പിടിച്ച ആ കൈകള്
‍നിന്റെ നെഞ്ചിലേക്ക്‌‌
കാഞ്ചി വലിക്കുമോ?

ഇല്ല,
ഇല്ല,
അവര്‍ ഒരിക്കലും
അങ്ങനെ ചെയ്യില്ല

നീ തെറ്റിദ്ധരിച്ചതാണ്‌
നിന്റെ മുറിവുണക്കാന്‍
ഞങ്ങള്‍ക്ക്‌ കഴിയും

വലിയ വായയുള്ളവര്
‍നിനക്ക്‌ വേദന തന്നവരായിരിക്കും
നീ കരയുമ്പോള്‍ ചിരിച്ചവരായിരിക്കും

ഞങ്ങള്‍ , ശബ്ദമില്ലാത്ത
കോടികളുണ്ടിവിടെ
നിനക്കു വേണ്ടി
ഞങ്ങള്‍ പറയുന്നുണ്ട്‌

നീ കേട്ടില്ലെങ്കിലും
ഞങ്ങള്‍ പരസ്‌പരം കേള്‍ക്കുന്നുണ്ട്‌

ചെങ്കൊടി കൈകള്‍ മാറി പിടിച്ചതാണ്‌
ചെങ്കൊടിയുടെ വടിയിലെ
കൈകള്‍ അവരുടേതായിരുന്നില്ല

അത്‌ കഴുകന്റെതായിരുന്നു
നീ എപ്പോഴും പേടിച്ചിരുന്ന
ആ നീല കഴുകന്റേത്‌
നന്ദിഗ്രാം.....
സത്യമാണ്‌
അത്‌‌ അവരായിരുന്നില്ല.
....................

പെണ്‍കുട്ടി ശക്തയാണ്‌

പെണ്‍കുട്ടിയുടെ
തീക്ഷ്‌ണമായ
ഒരു നോട്ടം
നിങ്ങള്‍ക്ക്‌
ഒരിക്കലും നേരിടാനാകില്ല

അപ്പോള്
‍അവളറിയാതെ
ദേഹത്ത്‌ വെച്ച കൈ
പതിയേ പിറകോട്ട്‌ മടങ്ങും

നിങ്ങളേക്കാള്‍
ശക്തയാണവള്‍

നിങ്ങള്‍ ആയുധം
കൊണ്ട്‌ ചെയ്യുന്നത്‌
അവള്‍ കണ്ണുകള്‍
കൊണ്ട്‌ ചെയ്യും

അവള്‍ എപ്പോഴും
ആയുധവാഹിനിയാണ്‌
ഉപയോഗിക്കാന്‍
അവള്‍ മറന്നു പോകുന്നത്‌
നിങ്ങള്‍ തെറ്റിദ്ധരിക്കേണ്ട

അവള്‍ക്ക്‌ തീരുമാനങ്ങളുണ്ട്‌
എന്നിട്ടും
അവള്‍
ശക്തയാണെന്ന്‌
നിങ്ങള്‍ സമ്മതിച്ചു തരില്ല

ആണത്തം പമ്പ കടക്കുന്നത്‌
എപ്പോഴും അവള്‍ക്ക്‌
മുന്നില്‍ മാത്രമാണ്‌
...........................

സ്വപ്‌നക്കച്ചവടക്കാരന്‍

‍നഗരത്തിലെ കൊച്ചമ്മമാര്‍ക്കാണ്‌
അയാള്‍ സ്വപ്‌നങ്ങള്‍ വില്‍ക്കുന്നത്‌

സ്വപ്‌നങ്ങള്‍ നിറച്ച കുട്ടകള്‍
തലയിലേറ്റി അയാള്‍ വിളിച്ച്‌ പറയും
സ്വപ്‌നങ്ങള്‍... സ്വപ്‌നങ്ങള്‍....

നഗരത്തിന്റെ കൈവഴികളില്‍ ചേരുന്ന
ഇടവഴിയിലാണ്‌ അയാള്‍ പ്രത്യക്ഷപ്പെടുക

അവിടെയാണ്‌ കൊച്ചമ്മമാര്‍
താമസിക്കുന്നത്‌

അയാളുടെ ശബ്ദം കേട്ടാല്
‍കൊച്ചമ്മമാര്‍
വീടിനു മുന്നില്‍ഇറങ്ങി നില്‍ക്കും

കുട്ടയിലെ സ്വപ്‌നങ്ങളില്‍
അവര്‍ ശ്രദ്ധയോടെ തിരയും

കുട്ടയില്‍ നിന്നും കൈകളിലാണ്‌
അയാള്‍ സ്വപ്‌നങ്ങള്‍ നല്‍കുന്നത്‌

സ്വപ്‌നങ്ങള്‍ക്ക്‌ വില കൂടുതലാണ്‌
എന്നാലും കുട്ടയിലെ സ്വപ്‌നങ്ങളുടെ
എണ്ണം തീരെ കുറവായിരിക്കും

ബാക്കിവെച്ച സ്വപ്‌നങ്ങളുമായി
അയാള്‍ ഇതുവരെ തിരിച്ചു പോയിട്ടില്ല.............................

പൊട്ടിയ പട്ടം

ഹൃദയത്തിന്റെ
വടം പൊട്ടിയപ്പോള്
‍കണ്ണടച്ചു കിടന്നു
എന്നിട്ടും
കടന്നലുകള്‍ കൂട്ടനൃത്തം തുടര്‍ന്നു

ഏതോ
ഉള്‍വഴിയിലേക്കാണ്‌
ചിന്ത വടം പൊട്ടിച്ച്‌ കടന്നത്‌

കാരമുള്ളുകള്‍ ആകാശത്തിലേക്ക്‌
പടര്‍ന്ന കാട്ടില്‍
പ്രകാശ വേഗത്തിലൊഴുകിയപ്പോള്
‍പിറകില്‍ പെയ്‌തതെല്ലാം
ചോരമഴ
ചിന്തയുടെ പിറകെ ആയിരം
രക്തനദികള്‍ പടിഞ്ഞാട്ട്‌
കൂട്ടമായൊഴുകി

പല്ല്‌ നാക്കും
കൂട്ടിക്കടിച്ചു
നെഞ്ചില്‍
ചെണ്ടക്കോല്‍ വീണു പിടഞ്ഞു
കൊടും കാട്ടില്‍
ഒഴുകി പരന്ന ചോരയില്‍
നിശാസുന്ദരികള്‍ നൃത്തം ചയ്യുന്നുണ്ട്‌
അവരുടെ പാട്ടുകളുടെ
താളത്തില്‍
കടന്നലുകളും ചൂളമിടുന്നുണ്ട്‌

ഇനിയും ചവച്ചുപിടിക്കാന്‍
എനിക്ക്‌ കഴിയുന്നില്ലല്ലോ.
...................................